जागतिक चालक दिनी पारनेर तालुक्यातील एसटी चालकांचा शिवसेना महिला आघाडी तालुकाप्रमुख प्रियांकताई खिलारी यांच्याकडून सन्मान

 महेश शिंगोटे पारनेर प्रतिनिधी

दळणवळण व परिवहन क्षेत्रात वाहन चालकांचे मोठे योगदान आहे.त्यामुळे १७ सप्टेंबर ला जागतिक चालक दिनी पारनेर तालुका शिवसेना महिला आघाडी प्रमुख सौ.प्रियांकाताई अतुल खिलारी यांनी शिवसेनेच्या माध्यमातून एसटी महामंडळा च्या चालकांना प्रोत्साहन देण्यासाठी त्यांना श्रीफळ आणि गुलाब पुष्प देऊन चालकांचा सन्मान केला.

बोलतांना शिवसेना महिला आघाडी तालुका प्रमुख प्रियांकाताई खिलारी म्हणाल्या की, जगातील पहिला चालक म्हणजे श्रीकृष्ण ज्यांनी अर्जुनाच्या रथाचे सारथ्य केलं.त्याच प्रमाणे वाहन चालक आपल्या कुटुंबाप्रमाणेच प्रवाशांच्या जीवाची काळजी घेतात.वाहनाची पुढची काच खूप मोठी असते.आणि मागे कोण आहे हे बघण्याचा आरसा मात्र अगदी छोटासा असतो. कारण भूतकाळाला फारच थोडे महत्त्व आहे. मागे फक्त लक्ष ठेवा. भविष्यकाळ महत्त्वाचा आहे. भूतकातीळ गोष्टींचा विसर पडून भविष्य काळात आपल्या ध्येयापर्यंत पोहचवणे हेच प्रमुख ध्येय चालकाचे असते. चालकांची स्तुती करताना ज्याच्या हातात स्टेरिंग त्याच्यातच खरी डेरिंग असे म्हणत काही क्षणातच निर्णय घेण्याची ताकद फक्त चालकात असते.असे म्हणत पारनेर तालुक्यातील चालकांना प्रोत्साहन दिले.

सदर कार्यक्रमाप्रसंगी पारनेर डेपो मॅनेंजर पराग भोपळे साहेब,इंद्रनील कुसकर, महामंडळ कर्मचारी व चालक, पोखरी महिला आघाडी प्रमुख जयश्री शिंदे,ढोकी महिला आघडी शाखा प्रमुख रिजवान पठाण,अर्चनाताई दिवेकर,प्रियांका शिंदे युवासेना उपतालुका प्रमुख अमोल ठुबे,शिवसेना सचिव राजाभाऊ मोरे,युवासेना अध्यक्ष आदिनाथ कदम,शुभम पाडळे,राजू बोरुडे शिवसेना युवासेना महिला आघाडी आदी ग्रामस्थ उपस्थित होते.