माझी निष्ठा शिवसेनेची व जनतेशी - शिवसेना तालुकाप्रमुख डॉ श्रीकांत पठारे

 

पारनेर - चंद्रकांत कदम

मी निष्ठावंत शिवसैनिक असल्यामुळे शिवसेनेने माझी शिवसेना पारनेर तालुका प्रमुख पदी निवड केली आहे. मी ठाकरे कुटुंबाशी व शिवसेनेची कधी गद्दारी करणार नसून शिवसेना व जनता हीच माझी निष्ठा आहे. शिवसेना ही माझ्या रक्तात भिनलेली असल्याचे प्रतिपादन नवनिर्वाचित शिवसेना पारनेर तालुकाप्रमुख डॉ श्रीकांत पठारे यांनी केले. 

     पारनेर तालुक्यातील पिंपरी जलसेन येथे शिवसेना पारनेर तालुका प्रमुख पदी माजी पंचायत समिती सदस्य डॉक्टर श्रीकांत पठारे यांची निवड झाल्याबद्दल पिंपरी जलसेन ग्रामस्थांच्या वतीने सत्कार करण्यात आला. यावेळी सत्काराला उत्तर देताना डॉक्टर पठारे म्हणाले की, आपल्याच पक्षातील लोकांनी पक्षाशी गद्दारी केली परंतु मी त्यांच्यातला नसून शिवसेनेच्या चांगला वाईट दोन्ही काळामध्ये मी पक्षा सोबत कायम उभा राहणार आहे शिवसेनेसोबत केलेल्या निष्ठेच्या कामामुळे त्या कामाची पावती म्हणून मला आदरणीय शिवसेना पक्षप्रमुख उद्धव साहेब ठाकरे व विधानसभेचे माजी उपाध्यक्ष ना. विजयराव औटी साहेब यांच्यामुळे मला शिवसेना तालुकाप्रमुख पद मिळाले आहे. या पदाच्या माध्यमातून तालुक्यामध्ये पक्ष वाढीसाठी प्रयत्न करणार असून सर्व शिवसैनिकांना बळ देणार आहे. येणाऱ्या काळामध्ये विधानसभेवर शिवसेनेचा भगवा फडकवण्याचे स्वप्न आपण सर्वांनी पूर्ण करण्यासाठी प्रयत्न करणे गरजेचे आहे. तालुक्यातील सर्व गावांच्या विकास कामांसाठी निधी आणण्यासाठी प्रयत्नशील राहणार असल्याचे शिवसेना पारनेर तालुकाप्रमुख डॉ श्रीकांत पठारे म्हणाले.

    यावेळी पिंपरी जलसेनचे सरपंच सुरेश काळे, उपसरपंच भाऊसाहेब पानमंद, दगडू थोरात, दत्तात्रय थोरात, शिवसेना पारनेर तालुका संघटक अमोल गजरे, शिवसेना शाखाप्रमुख जगदीश सोनवणे, सोशल मीडिया प्रमुख आदिनाथ कदम, बाळसाहेब वाढवणे, अश्रफ शेख, दत्तात्रय थोरात, कोंडीभाऊ बोरूडे, ज्ञानदेव कदम, माजी सरपंच बाबाजी वाढवणे, शिवाजी बोरूडे, विकास वाढवणे, अक्षय कदम, भिवाजी वाढवणे, अक्षय बोरूडे, रंगनाथ वाढवणे, ग्रा प सदस्य संतोष थोरात, हुसेन शेख, गुलाब थोरात, सचिन काळे, रेवजी कदम, दिलीप बोरूडे, दिनेश शेळके, रोहन कदम आदींसह गावातील शिवसैनकी व ग्रामस्थ मोठ्या संख्येने उपस्थित होते.

       डॉ श्रीकांत पठारे यांची शिवसेना तालुकाप्रमुख पदी निवड झाल्याबद्दल पिंपरी जलसेनमध्ये फटाके वाजवून त्यांचे स्वागत करण्यात आले. माजी ग्रा प सदस्य अश्रफ शेख, ज्ञानदेव कदम, दिलीप बोरूडे, पत्रकार चंद्रकांत कदम, उपसरपंच भाऊसाहेब पानमंद यांनी मनोगत व्यक्त केले.