संदीप वराळ पाटील आरोग्यमंदिर गोरगरीब लोकांसाठी सुसज्ज हॉस्पिटल - ॲड.गवारे

 

औरंगाबाद हायकोर्टाचे प्रसिद्ध वकील नितीन गवारे यांनी निघोज येथील कोव्हिड सेंटरला सदिच्छा भेट दिली.

 निघोज प्रतिनिधी 

संदीप पाटील वराळ आरोग्य मंदीर कोव्हिड सेंटर म्हणजे एक गोरगरीब गरजू लोकांसाठी उभारलेले एक सुसज्ज हॉस्पिटल असल्याचे गौरवोद्गार औरंगाबाद हायकोर्टाचे प्रसिद्ध वकील नितीन गवारे यांनी  बोलताना व्यक्त केले आहे.ॲड.गवारे यांनी नुकतीच संदीप पाटील वराळ आरोग्य मंदीर कोव्हिड सेंटरला सदिच्छा भेट दिली यावेळी ते बोलत होते. यावेळी त्यांचा राज्याचे गृहमंत्री दिलीपराव वळसे पाटील यांचे विश्वासू कार्यकर्ते राजेंद्र गावडे यांच्या हस्ते सत्कार करण्यात आला. संदीप पाटील वराळ जनसेवा फौंडेशनचे तालुका अध्यक्ष सचिन पाटील वराळ,पारनेरचे ॲड.संकेत ठाणगे, संदीप पाटील वराळ युवमंचचे पदाधिकारी सुनिल पवार, सुनिल वराळ पाटील, अल्पसंख्याक समाजाचे मार्गदर्शक अस्लमभाई इनामदार आदी उपस्थित होते. ॲड.गवारे या वेळी म्हणाले कोरोनाचा थोडा त्रास झाला तरी औषध‌उपचार घेण्यासाठी घरी कॉरंटाईन न होता कोव्हिड सेंटरला चार दोन दिवस थांबले तरी आपण कोरोनाला हद्दपार करु शकतो यासाठी राज्य सरकारने कोव्हिड सेंटरसाठी अत्याधुनिक सुविधा उपलब्ध करून देण्याची गरज आहे.संदीप वराळ पाटील जनसेवा फौंडेशन व निघोज ग्रामस्थ संचलित या कोव्हिड सेंटरला मोठा लोकसहभाग मिळाला आहे ही अभिमानाची बाब आहे या माध्यमातून गोरगरीब समाजाला फार मोठा आरोग्य आधार देण्याचे काम सचिन पाटील वराळ व त्यांच्या सहकाऱ्यांनी केले आहे अशाप्रकारे गावोगाव कोव्हिड सेंटर होण्याची गरज असल्याचे प्रतिपादन त्यांनी व्यक्त केले.ॲड.गवारे यांनी यावेळी कोव्हिड सेंटरची पाहाणी करीत कोरोना रुण्गांशी संवाद साधला व त्यांना लवकर बरे होण्यासाठी शुभेच्छा दिल्या.