दहावीत प्रथम क्रमांक मिळविल्याबद्दल अमित नवले यांचा आमदार निलेश लंकेकडून सन्मान

पारनेर 

जम्मू - काश्मीर मधील लेह सीमेवर तैनात असलेले सुभेदार मेजर अनिल नवले ( शिरूर , ता . हवेली पुणे ) यांचा मुलगा अमित अनिल नवले यांने इयत्ता दहावी परीक्षेत इंग्लिश मेडियम मधून ९१ टक्के गुण मिळवत यश प्राप्त केले . तो पुणे येथील सेंट जोसेफ इंग्लिश मीडियम स्कूलचा विद्यार्थी असून त्याला त्याची  आई रामेश्वरी व शाळेच्या प्राचार्या ज्ञान नॅन्सी पावस व इतर शिक्षकांचे मार्गदर्शन लाभले . सुभेदार मेजर अनिल नवले देश रक्षणार्थ गेली अनेक वर्षे कुटुंबापासून दूर आहेत . तथापि अमित याने आपल्या अभ्यासू वृत्तीने एक मराठी सैनिकाचा मुलगाही इंग्रजी माध्यमातून मोठे यश संपादन करू शकतो हे दाखवून दिले आहे . यामुळे देश रक्षणार्थ सीमेवर शत्रु सैनिकांशी दोन हात करणाऱ्या सर्व सैनिकांच्या मुलांना प्रेरणा मिळेल यात शंका नाही . 

    अमित याने प्रथम क्रमांक मिळवून आपल्या पालकांचा व आपल्या शाळेचा मान वाढविला आहे . अमितने मिळविलेल्या यशाबद्दल त्याचे शिक्षकांनी,  ग्रामस्थांनी खूप खूप अभिनंदन केले व अमित ची  ही कामगिरी संपूर्ण तालुक्याचा अभिमान वाढवणारी आहे . भविष्यात अमित  IAS - IPS व इतर मोठ्या पदावर अधिकारी होऊन समाजाची चांगल्या पद्धतीने सेवा करून आपल्या तालुक्याचा , आपल्या राज्याचा मान वाढवताल यात माझ्या मनात किंचितही शंका नाही असे मत पारनेर तालुक्याचे विद्यमान  आमदार निलेश जी लंके यांनी  व्यक्त केले. अमित ला पुढील शिक्षणासाठी प्रोत्साहन मिळावे यासाठी  लंके यांनी सन्मानपत्र देऊन त्याचा सन्मान करून पुढील शैक्षणिक वाटचालीस खूप  शुभेच्छा दिल्या.